#美劇撚 #美劇與我 1 上架到數
當年由亞視播出嘅美劇「通天奇兵」。
係我細個嘅回憶，記得同爸爸一齊睇水牛同霹靂仔點樣整暈由Mr.T 飾演非常非常怕搭飛機嘅鈍胎上瘋狂機師喪榮架飛機去應付不同嘅危險任務！
The A-team #通天奇兵
開場白 from WIKI
https://www.youtube.com/watch?v=TXAGQhl3vPc
"轟動世界嘅通天奇兵，今日已經成為人民嘅英雄、罪惡嘅剋星。當年佢哋四個都係駐越美軍嘅特擊隊，喺印支戰場同越南佬打生打死；後來因為打劫北越政府一間銀行，被美國軍部拘控，好彩越獄成功，不過到而家仲係被通緝緊嘅。
通天奇兵嘅隊長水牛，身經百戰，智勇雙全，係國際級嘅大哥大。 斯文靚仔嘅霹靂仔，也文也武，又talk得又打得。氹女仔仲一流，成個粉面金剛咁。 空軍戰鬥英雄喪榮，除咗揸各類型嘅飛機都拿手之外，扮鬼扮馬嘅演技簡直可以攞金像獎呀。 機械工程師鈍胎，真係天才加鬼才嘅化身。喱個神秘人就係退役將軍萬事通喇。
受壓逼、受欺凌嘅朋友，快啲搵通天奇兵啦，佢哋一定可以幫到你㗎！"
https://zh.m.wikipedia.org/zh-tw/%E5%A4%A9%E9%BE%8D%E7%89%B9%E6%94%BB%E9%9A%8A
Search